Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сурия Уламолари Бирлашмаси ҳамда Олий Таълим Вазирлиги бошчилигида Муҳаммад Саъид Рамазон Бутийнинг ҳалок (шаҳид) бўлганининг икки йиллиги муносабати билан «У кишининг фикри ва турган ўринларини ўқиш» мавзусида илмий конференция бўлиб ўтмоқда.

Очилиш мажлиси эрталабки соат 11:00 да бошланади. Конференция давомида улуғ аллома ҳақида Олий Таълим Вазири ва Вақф Ишлари Вазири, Бутийнинг оиласи, Дамашқ Уламоларининг сўзлари, Араб ва Ислом делегацияси олимларининг  маъруза қилишлари кутилмоқда. Бундан ташқари, конференцияда,  Бутийнинг ҳаёти ва ижодига  доир қисқа ҳужжатли фильм ҳам кўрсатилади.