Шайх Муҳаммад Саид Рамазон Бутийнинг аёллари вафот этдилар
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Шайх Муҳаммад Саид Рамазон Бутийнинг аёллари Нодия Абдулжалил Тахтарунжий 2014 йил 15 март шанба куни (ҳижрий сана билан 1435 йил 15 жумодул аввал) вафот этдилар. Марҳумага жаноза намози ўша куни пешин намозидан кейин, Шайх Мулла Рамазон Бутий масжидида ўқилди. Оли Шамдийн мақбарасига дафн этилди. Якшанба, душанба ва сешанба аза кунлари деб эълон қилинди. Марҳуманинг оила аҳллари, эркак ва аёлларни алоҳида-алоҳида таъзияларини қабул қилдилар ва қилмоқдалар. Марҳуманинг оила аҳлларига Аллоҳдан сабру салвон сўраб дуода бўламиз. Эслатиб ўтамизки, ўтган йили 21 март куни (ҳижрий сана билан 1434 йил 9 жумодул аввал)Шайх Муҳаммад Саид Рамазон Бутий ҳам бу дунёни тарк этган эдилар. Аллоҳ таоло бу азиз инсонларни Ўз раҳматига олсин.
Muslimaat.uz
