ҚАЛБ (13-15- май 2011 йил, Қўқон, Айюб Абдуллоҳ )
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
ҚАЛБ
Қайлардасан, қанисан, эй қалбим?
Сенсизлик қийнамоқда, эй иймоним,
Тобора йўқотмоқдаман имконим,
Ҳароб қилма кечир, эй Аллоҳим.
Тавбалар қиламан, тиним билмай,
Ўзимни оқлайман, айбим кўрмай,
Гуноҳлар қиламан, инсоф сўрамай,
Ҳароб қилма кечир, эй Аллоҳим.
Ёмонлик қиларман, яхшилик эмас,
Гўё мен ҳақман, ўзгалар ҳақ эмас,
Бу ақл ҳақни ҳеч тан олгиси келмас,
Ҳароб қилма кечир, эй Аллоҳим.
Баъзида ўзим-ўзимга бегона,
Баъзида дунёда бир ўзим ягона,
Кези келса, бу ҳолга ўзим ҳайрона,
Ҳароб қилма кечир, эй Аллоҳим.
Кунларим ўтар ҳеч маъно йўқ,
Тунларим ўтар ҳеч мазмун йўқ,
Юрагим ураверар, лек қалбим йўқ,
Ҳароб қилма кечир, эй Аллоҳим.
Бу қалб сен томон ошиқар,
Лек йўлларим гуноҳларим тўсар,
На илож энди қалбим мени тарк этар,
Ҳароб қилма кечир, эй Аллоҳим.
Аллоҳим, қалбим ўзимга қайтсин,
Мени бошқа ҳеч тарк этмасин,
Соғинганим ана кўз ёшларим айтсин,
Ҳароб қилма кечир, эй Аллоҳим.
Қалбсиз, гўё маййитга ўхшайман,
Қалбсиз, гўё ўликдей яшайман,
Роббим ўтиниб сўрайман,
Қалбимни қайтар, эй Аллоҳим.
(13-15 Май 2011 йил, Қўқон, Айюб Абдуллоҳ)
