Ота-она учун рамазон рўзасини тутмоқлик

13:06 / 28 май | Sanjarbek Xujamberdiyev | 48
Ассалому алайкум! Ота-онамни ёшлари катта бўлиб қолганлиги учун рамазон рўзасини тута олмаябдилар. Мен ота-онам учун рамазон рўзасини рамазон ойидан кейин тутиб берсам бўладими? Илтимос, берган саволимни беэътибор қолдирмасангиз.
Одинахон Муҳаммад Юсуф:

– Ва алайкум ассалом! Бизга келган саволларнинг бирортаси беэътибор қолмайди, иншааллоҳ. Рўза шахсий ибодат. Уни ҳар ким ўзи учун ўзи амалга оширмоғи лозим. Бировнинг ўрнига бошқаси қилиб бера олмайди. Шу сабаб ота-онангиз учун рўза тутиб беришингиз жоиз бўлмайди. Ота-онангиз ҳолатларига қаралади. Рўза тутишга қодир бўлсалар, ўзлари тутадилар. Агар қодир бўлмасалар ва қодир бўлишларидан мутлоқ умид бўлмаса, тутмаган ҳар бир кунлари учун фидя чиқарадилар.  Валлоҳу аълам!