– Ва алайкум ассалом!
- عَنْ عَلِيٍّ t قَالَ: إِنَّ نَبِيَّ اللهِ أَخَذَ حَرِيرًا فَجَعَلَهُ فِي يَمِينِهِ، وَأَخَذَ ذَهَبًا فَجَعَلَهُ فِي شِمَالِهِ، ثُمَّ قَالَ: إِنَّ هَذَيْنِ حَرَامٌ عَلَى ذُكُورِ أُمَّتِي. رَوَاهُ أَصْحَابُ السُّنَنِ.
2373. Али розияллоҳу анҳудан ривоят қилинади:
«Аллоҳнинг Набийси ипакни олиб, ўнг қўллари ила тутдилар, тиллани олиб, чап қўллари ила тутдилар, сўнгра:
«Албатта, мана бу иккиси менинг умматимнинг эркаклари учун ҳаромдир», дедилар».
«Сунан» эгалари ривоят қилганлар.
Шарҳ: Аввалги ривоятларда ипак, тилла ва кумушнинг ҳаромлиги, у ҳукмдан истисно бўладиган ҳолатлар ва шунга ўхшаш масалалар баён қилинган эди.
Ушбу ривоятда эса мазкур ҳукмларнинг ҳаммаси фақат эркакларга хос эканлиги, аёлларга тегишли эмаслиги очиқ-ойдин айтиб ўтилмоқда. Бу нарсаларнинг нима учун айнан эркакларга ҳаром қилинганлигининг ҳикмати ҳам аввал айтиб ўтилди.
(“Ҳадис ва Ҳаёт” китобидан )
Валлоҳу аълам!
