– Ва алайкум ассалом! Ласик операциянинг номи эмас кўзнинг кўриш қувватини лазер нури ёрдамида коррекцияловчи махсус аппаратуранинг номи. Операциядан сўнг: Дастлабки 24 соатда, шунингдек 1 ой, 3 ой, 6 ой ва 1 йилда шифокор назоратидан ўтиш керак. Амалиётдан сўнг 1 ҳафта давомида кўзга инфекция тушмаслиги учун турли лосьон, крем ва пардоз воситаларини суртиш ман этилади. Кўзга сув тегмаслиги, бошни ювмаслик керак (яхшиси, жарроҳлик амалиётига киришдан аввал бошни ювиб олинг). Бир ой давомида сув ҳавзаларида сузиш, сауна, иссиқ ванна қабул қилиш мумкин эмас. Кейинги ойларда эса жисмоний куч талаб этадиган спорт турлари билан шуғулланиш ҳам нотўғри. Дарвоқе, жарроҳлик амалиётидан аввал шифокор кўригига келганда кўзойнак ёки линзадан фойдаланганлигингиз ҳақида рўйи-рост айтишингиз керак. Зеро, амалиёт олдидан бемор 1 ой (камида 2 ҳафта) мобайнида линзадан фойдаланмаган бўлиши лозим.
Бундай ҳолатда таҳоратда қолган аъзоларингизни ювиб, жароҳатли соҳани устидан масҳ тортиб ўқишингиз мумкин. Намозларни ўтирган ҳолда имо ишора билан бошни қаттиқ эгмасдан ўқишингиз мумкин. Дарсларни фақат эшитибгина қилинг, кўзга телефон ва компьютерга тикилиб юклама қилиш мумкин эмас, камида 6 ой. Валлоҳу аълам!
