Ҳалол ҳисобланадими?

Ассалому алайкум!
Аллоҳ ишингизда барокотли қилсин. Мен ўқув марказида Инглиз тили фанидан ўқитувчи бўлиб ишлайман. Одатда ўқувчилариминг билимига кўра бор билимимни беришга ва топадиган пулимни тўла ҳалоллаб олишга ҳаракат қиламан. Куни-кеча бир ўқувчимнинг отаси ароқ дўконида ишлашини билиб қолдим ва кўнглим хиралашди. У ўқувчим дарсларга деярли 3 ойдан бери келади. Ароқ сотиб топилган пул ҳаром эканлигини биламан, агар мен унинг фарзандини ўқитиб, пул олсам, менинг ҳам топган маошим ҳаром ҳисобланадими? Бу вазиятда қандай йўл тутишни билмай қолдим. Ўқувчимни отасининг касби деб, гуруҳимдан четлаштиришим ноҳақлик бўлмайдими? Чунки у жуда ҳам билимли. Илтимос маслаҳат беринг. Аллоҳ сизлардан рози бўлсин