Ассалому алайкум! Ҳурматли устозимиз Одинахон. Сизни илмингизга, ўзингизга доим ҳавас қилиб келаман. Сизнинг илм йўлидаги ишларингиздан Аллоҳ рози бўлсин. Сизга ўхшашни насиб этсин. Саволим шуки кеча муслимаат.уз телеграм саҳифасида 3 ёшли қизчанинг кўпгина Қуръон сураларини, дуоларни ёд олганини кўриб ҳавасим келди. Менинг ҳам икки ярим ёшли қизим бор. Унга Қуръон сураларини ўргатиш, уни ўрганиши қийин бўлмоқда. Қандай қилиб ўша қизга ўхшаб қория қиласам бўлади? Нега ўрганиши қийин бўлмоқда экан? Сизга раҳмат.
– Ва алайкум ассалом! Ҳавас қилганингиз албатта яхши. Аммо бир нарсани тушунишимиз керак. Марямга ўхшаш қизлар нодир ҳисобланади. Улардаги бу хусусият Аллоҳдан берилган бўлиб, ҳаммага ҳам берилавермайди. Шунинг учун бошқа болаларни бундай бўлишга зўрламаслик керак. Қачонки ўзларида бунга тайёргарлик пайдо бўлганида таълим беришни бошлайсиз. Валлоҳу аълам!
