Ота-онанинг ўқилмаган қарз намозлари

14:14 / 05 апрель | Mohira V | 100
Ассалому алайкум! Мен эшитдимки, агар бир инсон вафот этсаю, тириклик вақтида рўза ва намозларини тўлиқ адо этмаган бўлса, уни Аллох олдидаги шу қарзлари ёпилмагунича, бу инсон савол-жавобидан ўтолмай турар экан. Бу қарзларни ёпиш унинг фарзандлари зиммасида экан. Яъни, фарзанд ўзи шу қарзларни ёпа олмасада, кимнидур рози қилган холда, адо эттириши керак экан.
Илтимос шу масалага ойдинлик киритиб берсангиз.
Одинахон Муҳаммад Юсуф:

– Ва алайкум ассалом! Ҳақиқатда инсон намоз ва рўзаларини тўлиқ адо этмаган бўлса, ҳисоб китобда қарздор бўлади. Уни ҳаётлик чоғида ўзи қазо қилиб бажариши ёки ўлимидан кейин қолдирган меросидан васият қилиши мумкин. Фидя тарзида адо этади, ўз мулкидан. Аммо бу фарзандлар бурчига кирмайди. Қарздор васият қилган бўлсагина уни адо этишади бўлмаса ота оналарининг қарзини тўлашлар уларнинг ихтиёрларида, истасалар тўлашади, истамасалар йўқ. Валлоҳу аълам!