Ассалому алайкум! Ассалому алайкум, Одинахон опа! Мен турмуш қурганимга 6 йил бўлди. Ҳозирги маҳалда эрим чет элда ишлаб юрибди. Қайнонам билан ўтираман. Эримнинг иши чет элдалиги учун кайнонам мени ҳам «Кетасиз эрингизнинг олдига, бўлмаса эрингиз айниб кетиши мумкин», деяптилар. Мен кетишни хоҳламаяпман. Сабаби у ерда биз қайнаопам, унинг эри, болалари билан яшаймиз. Болалари ҳам катта бўп қолишган. 6 йилдан бери бирга яшаймиз. Аллоҳга шукр, ўқиб анча тушуниб қолганим сабабли номаҳрамлар билан бир уйда яшагим келмаяпти. Сизга саволим шуки, мен уйимдагиларга қайнона, қайнотам ва эримга алоҳида квартирада яшаймиз дейишга ҳаққим борми? Ёки сабр қилиб, номаҳрамлар билан яшаганим яхшими? Эрим илмсизлигидан гапирсам тушунмаяпти. Кетмай десам, эримнинг айниб кетишидан қўрқяпман. Илтимос, маслаҳат беринг. Аллоҳ қилаётган савоб ишларингизнинг ажрини кўпайтириб берсин. Омин!
«Билимсизликнинг шифоси» ҳайъати:
Ва алайкум ассалом! Аллоҳдан сўраб, сабр қилиб, эрингизга яхши гапириб тушунтириб бораверинг. Аллоҳ таоло Ўзи рози бўладиган ҳаётга муваффақ қилсин. Омийн!.
