Ассалому алайкум! Одина опа, Аллоҳ сиздан ва оила аъзоларингиздан рози бўлсин. Саволим қуйидагича: менинг бир ойлик ҳомилам бор. Рамазон рўзасини тутмоқчиман. Иккита фарзандимда ҳам таксикозим оғир кечганди. Алҳамдулиллаҳ ҳозир яхшиман, рўза тутишга Ин ша Аллоҳ кучим етади. Фақат мени ўйлантираётган нарса энди ривожланиб ўсаётган ҳомиламга зулм қилиб қўймайманми? «Рамазон рўзасини тўлиқ тутишни, қазосиз тутишни насиб қилсин» деб дуо қилардим. Қазо қилгим келмаяпти. Балки Аллоҳ шунинг учун ҳам менга шу неъматни бергандир. Аллоҳ билгувчи. Маслаҳатингизга муҳтожман
«Билимсизликнинг шифоси» ҳайъати:
Ва алайкум ассалом! Рўзани тутаверинг. Ҳозир интернетда ҳомиладор оналар рўзаси ҳақида маълумотлар кўп. Режа қилиб ифторликдан саҳаргача ўзингиз ва ҳомилангиз учун керакли озиқаларни истеъмол қилиб улгурасиз. Қийналсангиз кун ора тутсангиз ҳам бўлади. Ҳолатингизга қаранг. Ўттиз кунни қазо қилсангиз, уни ҳам тутиб бериш бор ҳали. Валлоҳу аълам
