Ассалому алайкум ва роҳматуллоҳи ва барокатуҳ! Талабаман, тахминан 6-7 соатлик узоқ йўлдан ўз уйимга таксида қайтаётган эдим. Йўлда тўхтаб шом намозини ўқиб олдим. Кейин уйга етгач хуфтонни ўқийман деб ният қилиб келаётган эдим. Тахминан кечаси 12-1 ларда ҳайз кўрган эдим. Хуфтон вақти кириб анча вақт ўтиб кетганлиги ва мен намозни адо қилолмай қолганим учун гуноҳкор бўлмайманми? Қазосини ўқиб қўйишим керакми? Умуман ўзи бир намознинг ўрта ва ёки охирги вақтида ҳайз кўрган аёлнинг ҳукми қандай, ўша намознинг қазосини ўқиб берадими? Мени кўп ўйлантирадиган нарса қиз ва аёллар уй юмушлари ва ё бошқа сабаб, баъзида айрим нарсаларга чалғиб ҳали вақт бор-ку, деб сал кейин намоз ўқишни ният қилса-ю, лекин намоз вақти ўртасида ёки охирлашиб қолганда ҳайз келиб қолса, ўша аёл гуноҳ қилган бўлмайдими?
– Ва алайкум ассалом! Намознинг вақти чиқиб кетмай туриб ҳайз кўрган бўлса, ўша намоз соқит бўлади. Қазосини ўқимайди. Гуноҳкор бўлмайди. Валлоҳу аълам!
