Ассалому алайкум! Мени 16ешга тулган қизим бор.Мен опа сингилларим орасида энг биринчи қиз фарзандли бўлганман.Қизим хозир ўтар пайти агрессивный, ким ниа деса гап қайтарадиган, кимдир нохақ айбдор деса хаклигини исботлашга уринадиган ўта асабий бўлиб қолган.Асаблари бузилганда боши қаттиқ огриб қолади.Яқинда синглимни 50минг сум пули йўқолиб қолди ўшани хам қизимдан кўришди, қизим шунча ўзини айбсизлигини исботлашга уринса хам хеч ки бунга ишонмади, мен эса ким томонда бўлишни билмай турибман ёки қизимга тарбия беришда адашдимикан.Қизим хижоб да ибодатларини имкони борича амалга оширади.Менга маслахат бериг қизим ни тарбиялашда.
– Ва алайкум ассалом! Қизингизга дўст бўлишга ҳаракат қилинг. У сизнинг фарзандингиз. Опа-сингиллар билан “сен-мен”га бориб бўлмайди. Силаи раҳм қилиш керак. Иккала томонга ҳам индамай қўявериш керак. Аммо қизингизга мен сенга ишонаман каби гапларни айтиб қалбан яқин инсонига айланишингиз керак. Бўш вақтларингизда биргаликда сайрга чиқинг, ширинликлар билан чой ичинг ва узундан узоқ ҳаёт ҳақида фикр мулоҳазалар қилиб фикрлашинг. Бу вақтда насиҳат қилманг. Фақат дардлашинг. Бора-бора қизингиз ҳам дардларини айтадиган бўлади. Сизнинг меҳр-мухаббатингизни, унга ишонишингизни сезиши билан у хотиржам бўла бошлайди. Ўзини бу дунёда ёлғиз ҳис қилганда, нима учун яшаётганини билмаса, келажагини кўра билмаса биров унга ишонмаса бола ўзини шундай тута бошлайди. Балоғат ёшида гормонлари ўзгариши сабабидан бола ўзига хос бўлмаган характерга эга бўлади. Шундай вақтда болага маънавий яхши муҳит ҳосил қилиб бериш керак. Ҳаммадан кўра она унга жуда яқин бўлиши керак. Юмшоқ муомала қилиб меҳрлик гапларини аямаслиги керак. Валлоҳу аълам.
