Ассалому алайкум! Кириб келган Рамазони шариф барча мусулмонларга бирдек хайрли ва барокатли бўлсин! Биз «islom.uz» ва «muslimaat.uz» сайтларини мунтазам кузатиб борамиз. Ундан ўзимизга фойдали бўлган маълумотларни оламиз. Бунинг учун сизга ва сайтнинг барча ходимларига ўз миннатдорчилигимизни билдирамиз! Аллоҳга шукурким, оиламизнинг баъзи аъзолари намоз ва фарз рўзаларини бажариб келмоқдамиз. Лекин оиламизнинг бошқа аъзоларига буларни фарз эканлигини уқтириш қийин бўлаяпти. Дуолар қабул бўлгувчи улуғ ойда сиздан ва азиз онажонингиздан Аллоҳ барчамизнинг иймонимизни мукаммал ва ибодатларда бардавом этишини, ўзимизга ва оиламизнинг барча аъзолари ҳаққига дуо қилишларингизни сўраб қоламиз. Яна кўп Рамазонларни сизлар билан ўтказишни Аллоҳ насиб этсин (омин). Ассалому алайкум ва роҳматуллоҳи ва барокатуҳ!
Одинахон Муҳаммад Юсуф:
Ва алайкум ассалом! Омийн! Аллоҳ таоло сизни ва бизни Ўзининг рози бўладиган бандаларидан қилсин. Ибодатларини мукаммал адо этиб боришимизга муваффақ қилсин!.
