Ассалому алайкум! Менинг қизим бир йигит билан севишиб қолган, синфдоши, у боқиб олинган, лекин ўзи билмайди, оиласи ибодатдан узоқ одамлар. Йигит қизимга уйланиш учун намозга тушган, исломий тўйга уйидагиларни хам кўндирибди, 3 та опаси бор. Шариат бўйича улар ҳаммаси, хатто онаси ҳам йигитга номаҳрам, келажакда қийналасан десам, етимлиги айбми дейди, етимлиги эмас оиласидагиларнинг яширишларидан яхшилик кутиб бўлмайди дедим... Қандай йўл тутай?
– Ва алайкум ассалом! Аввало истихора қилиб кўриш керак. Қолаверса, ўша ота она мақомидагиларга бориб ҳақиқатни беркитишлари шариатда нотўғри эканини тушунтириш, буни йигитга айтишларини талаб қилиш керак. Валлоҳу аълам!