Эр хотинига бошинг очиқ деса

03:14 / 14.03.2017 | Савол | 1183
Ассалому алайкум! Эрим охирги йилларда жуда кўп ичадиган бўлиб қолган. Охир-оқибат сабр-тоқатим тугаб, ажрашишга аҳд қилдим. Лекин эрим умуман ажрашишни хоҳламайди, ота- онасининг олдида «Энди ичсам, бошинг очиқ» деди. 5 ой ичмади-да, кеча яна жиндай ичиб келди. Энди нима қиламан? Ўртада бегуноҳ фарзандим бор. Илтимос, маслаҳат беринг. Маслаҳатингиз учун олдиндан раҳмат!
Одинахон Муҳаммад Юсуф:
Ва алайкум ассалом! «Бошинг очиқ» деганда нимани қасд қилган бўлса, ўша бўлади. Талоқни ирода қилган бўлса, талоқ тушади. Бундай ибора билан талоқ қасд қилинса, бир талоқ тушади. Аммо диний идорага мурожаат қилиб масалага ойдинлик киритиб олишингизни тавсия қиламан. Валлоҳу аълам