Ассалому алайкум! Қиз боланинг университетда ўқиши мумкин эмасми? Нега кўпчилик ота-оналар қизларининг университетда ўқишига қарши? Нега ўғлига совчиликка юраётган аёллар қизнинг университетда ўқишини эшитса қоши чимирилади? Университетга қизлар ўқиш учун, жамиятга фойдаси тегиши учун бориб ўқишади-ку? Ўқиб бир касб эгаси бўлиш нотўғрими? Биз, ўқишни хоҳлайдиган қизлар, оила қурмаймиз фақат ўқиймиз демаяпмиз-ку, шунчаки ўқиб келажакга фарзандларимиз бирор савол берганида унга жавоб бера олишни, жамиятда қандайдир ўрнимиз бўлишини истаймиз. Ахир, ҳаётга фақатгина овқат пишириш, кир ювиб, уй тозалаш учун келмаганмиз-ку. Илм олиш фарз-ку. Нега бизга ёшлигимиздан:" Овқат пиширишни, уйни тозалашни билсанг бўлди, ўқиб дунёни қутқарармидинг?!"- дея ўқишга бўлган шаштимизни сўндиришади? Нега ота-оналаримиз қизларнинг илм олишига бунчалар беэътибор? Ўқимоқчи бўлган, аммо ота-оналари бунга қарши чиқаятган қизларга нимани маслаҳат берасизлар? Йўки мени тушунчам нотўғрими?
– Ва алайкум ассалом! Бу жамиятнинг иллати, қиз бола ҳам ўқиши керак. Валлоҳу аълам!
