Шер

Ассалому алайкум!

Босам агар бағримга

Қалбимда, Сиз ардоғим
Соғинганим, Сиз борим
Босам агар бағримга
Тўкилармиди армоним

Ишқ куйини куйладик
Сўзлар сўзни сўйладик
Дилдан хамон қўймадик
Тугармикин армоним

Битиклар бисёр тўлар
Руҳим, вужуд талпинар
Сизни билган чин севар
Орзу қилган армоним

Умид бордир, ишонч бор
Етмоқ куни қувонч бор
Дийдор сабаб юпанч бор
Қийматли бу армоним

Гуноҳкормиз биз ғариб
Тавба этиб йўл ахтариб
Аллоҳ суйган ё Ҳабиб
Уммат деган, армоним

Суюб, сийлаб умматни
Махшаргохда шафоатни
Айласа дуо ижобати
Йўқдир ўша кун армоним

Ё Раб, ё Расулуллоҳ
Сизга руҳим қалб муштоқ
Етармиз у кун Аллоҳ
Лаззатлидир бу оним

© Камолиддин Хамидов