Ассалому алайкум! Мени қаттиқ қийнаб келаётган вазият бўйича маслаҳат ва илмингизга эҳтиёжим бор. Яна оилам ҳақида сўрайман. Тинчиб яшаб қоламиз, ибодатим ва зикрларимда бардавомман алҳамдулиллаҳ! Гап шундаки турмуш ўртоғим секин-секин ўзгариб кичик-кичик жанжал чиқариб бошлайди, ўзимни кўрмаган билмаганга солиб юраман. Ишим, ошим ҳаммасини жойида қилишга ҳаракат қиламан. Шу бошлагани катта бир жанжал, калтак ва ҳақоратлар билан бир кечани орттиргач тўхтайди. Уни овутишга ҳаракат қилганим сайин мендан нафратланиб бораверади. Фарзандларимни қўшиб уради, аёлман, унга асло тенг келолмайман. Мени урар экан тилим фақат калимада бўлади, калима қайтарганим сари баттар уради, сабаби арзигулик бўлса ҳам хафа бўлмасдим, майда камчиликларимни бўрттириб тасдиқлатиб уради. Қисқа айтганда кўзлари кўр, қулоғи карга айланади, бу феъли мени қаттиқ чарчатиб юборди, айни дам ҳомиладорман. Шу ҳолатимда ҳам шундай жабр ситам ва қалтироқ ичида кеча оттирдим. Тонг отгунча ихлос сурасини ўқиб чиқдим эрталаб тинчиб қолди бу сеҳр эмасмикин, деб ўйлаб қоламан. Чунки бутунлай бошқа кишига айланиб қолади, мен унга ўзим суралардан ўқиб дам солишим мумкинми? Мумкин бўлса қайсиларини қай тарзда соламан?
– Ва алайкум ассалом! Унинг уришларига чидашингиз керакмас. Айниқса ҳомиладор ҳолатда. Яна зарар келтириб қўймасин. Дарров бу ҳолатни катталарга айтинг. Урмай, зарар бермай яшайдиган бўлса яшасин. Дам солдириб юборишни ҳам тавсия қиламан. Валлоҳу аълам!
