Ассалому алайкум! Намоз пайтида таҳоратим бузилса, намозни тўхтатиб, таҳорат олиб, қайтадан ўқишим керакми? Намознинг суннатини ўқиб бўлган бўлсам, таҳоратим фарзини ўқиётганимда бузилган бўлса, қайтадан таҳорат олиб, фақат фарзини ўқишлигим мумкинми?
Жавобингиз учун Аллоҳдан сизга ажр ёзишини сўраб дуо қиламан. Сизлардан бошқа сўрайдиган инсоним йўқ. Илтимос, жавобсиз қолдирманг
«Билимсизликнинг шифоси» ҳайъати:
Ва алайкум ассалом! Намозингиз асносида хоҳ у фарз, хоҳ суннат бўлсин, таҳоратингиз кетиб қолса ва бу ихтиёрингизсиз бўлса, бориб таҳоратни янгилаб, ортиқча сўз ва иш бажармасдан намозингизни келган жойидан давом эттиришингиз жоиз. Қайта бошдан бошлаб ўқисангиз ҳам жоиз ва шу афзал. Суннатини ўқиб бўлиб фарзига ўтганингизда таҳоратингиз кетиб қолса, фарзини қайта ўқийсиз, суннатини эмас. Валлоҳу аълам
