Ассалому алайкум! Устоз, мен лицейда 3 курс эдим. Ўша вақтлари 5 вақт намоз ўқиганимга 3-4ой бўлиб қолган эди. Катта опам ҳам намоз ўқийди. Опам ҳам илмсизлик қилиб, лицей гулларидан шоҳ олиб кел, сувга солиб, кўкартириб экамиз деди. Менинг қалбимда шубха бор эди, шунда ҳам, кирган хонамдан гулни шоҳидан оладиган бўлдим. У ҳолатни дугоналарим ҳам кўриб ўтирардилар. Ҳозир лицейимизда устозлар ўзгариб кетган, гулни эгаларини деярли тополмайман. У устозлар кетган. Ўша гулларни уй эгасига, опамга бердим. Уйимизга экиб қўйдим, лекин уйимизга эккан гулларим қуриб кетди, қиёматда шу гуллар учун сўраламанми энди? Мен қандай йўл тутишим керак, дугоналарим гул шоҳларидан ўғирласа, мен гуноҳкор боламанми? Энди ўғирланган гул шоҳларини ўрнига тахминан ҳисоблаб, пулини кимгадир берсам, гул эгаларига деб бўладими? Устоз, ўзи аслида қандай йўл тутишим керак?
– Ва алайкум ассалом! Ўша даргоҳга эҳсон қилиб қўйинг. Валлоҳу аълам!
