Ассаламу алайкум, мени шу савол анчадан бери қийнайди, Шайх Муҳаммад Саид Рамазон Бутий хазратларининг бир маърузаларида илм олишдан мақсад, Аллоҳни таниш, Аллоҳга яқин бўлиш дейилган. Мен ўзим университетда амалий математика йўналишида ўқийман, афсуски университетга киргунча илм олишдан мақсадим университетга кириш ва яхши иш топиш ва шу иш орқали оиламга даромад олиб келиш бўлган. Ҳаттоки университетда ўқиш шарт эмас, дипломини олсам бўлди, яхши ўқитувчилик қобилиятим бор деб ҳам ҳисоблаганман. Сўнг Аллоҳга шукур, университетга грант асосида кирдим. Ҳозир эса илм олишдан мақсадим умуман ўзгарган, алҳамдулиллаҳ, яъни илмни аввало Аллоҳ учун, мусулмон бўлганим учун, одамларга яхшилик қилиш учун, Аллоҳга яқин бўлиш учун ўрганяпман. Лекин мени қийнайдиган савол шуки, математикани ўрганганим билан Аллоҳга қандай яқин бўламан? Ахир синус, сосинуслар ёки интеграл ва шу кабилар мени қандай Аллоҳга яқин қилсин? Аллоҳни танишим унга яқин бўлишим учун асосий ва энг мукаммал тўғри йўл бу Қуръони карим ўрганишку. Бу математика мени Аллоҳга яқин қилиш ўрнига узоқлаштиряптику, шу дарслар хар хил масала ва мисоллар, теорема ва леммалар ва уларнинг исботлари устида ишлаш мени вақтимни катта қисмини ўғирлаяптику. Ундан кўра Қуръон ва ҳадис илмини ўрганиб, одамларга ўргатсам бўлмайдими, ахир қиёматда Аллоҳ мендан:" Мен берган умрни нимага сарфладинг"- деса, мен:"Аллоҳим мен фалон теоремани исботладим, фалон ўқувчиларга тригонометрияни ўргатдим"-дея олмайманку. Айтмоқчи бўлганим ,математика у даражада амалий фан эмас (шунинг учун ҳам математикларга Нобел мукофоти берилмаса керак), мен математикани чуқур ўрганиб, инсониятга фойдали кашфиёт ҳам қила олмайман, тўғри барча фанларни асосини математика ташкил этади,лекин математикани ўзи билан бирон кашфиёт қилиш қийин. Менинг фаним кимё ёки физика бўлганида, мен инсонларга фойдали бир дори ёки техникани Аллоҳ изни билан яратишни мақсад қилардим. Агар мен ўз олдимга бутун мусулмонларга фойдали бир кашфиёт (дастур ёки бир илмий иш) қиламан деб мақсад қўйсам бу мақсадимга эришиш учун камида 30, 40 йил керак ва бу кашфиётни қилиш афсуски мени қўлимдан келмаса ҳам керак деб ҳисоблайман. Ҳаёлимдаги бу фикрлар қай даражада хато ёки тўғри эканини билмайман, аммо шу саволларга жавоб топишда ёрдам беринг, илтимос.
– Ва алайкум ассалом! Сизга Аллоҳга фақатгина Қуръон ўқиб яқин бўлинади, деб ким айтди? Илм қилганда фақат кашфиёт қилиш керак, дебчи? Умр давомида фақат математика билан чегараланиб қолмайсизку? Ундан ташқари ибодатингиз, вирдларингиз, оила ва бошқа ишларингиз бўлади. Математика касб учун, бошқаларга хизмат қилиш учун етрали бўлса бас. Бу билан ҳам кимдир шуғулланиши керак. Валлоҳу аълам!
