Ассалому алайкум мани иккта қизим бор биринчи турмушимдан ажралганман иккинчи турмушга беришди катта қизим қайнонам бн иккинчи майда қизчам ман бн яшайди хўжайиним баʼзи да ўршиб дўқ қилсалар сиқилиб кўнглимга оладиган бўлиб йиглаб оламан ўйлаб фарзандимни гапирасам тараф олма деб урушиб қоламиз тарбия қилиш керак дейдилар маслахат берингла илтимос қандай йўл тутай буёқда болам бу ёгда хўжайиним икки ўртада қолдим
– Ва алайкум ассалом! Бола урушиб, дўқ уриб тарбияланмайди. Болага чиройли муносабат қилиб, ота-она ўзи ибрат бўлиб тарбиялаш керак. Турмуш ўртоғингизнинг қизингизга ўлган бу муносабати мутлақ нотўғри. Айниқса қиз болага бўлган муносабат жуда нозик бўлиши керак. Шайх ҳазратлари Муҳаммад Содиқ Муҳаммад Юсуф роҳимаҳуллоҳнинг “Бахтиёр оила” китобларини ўқиб чиққанингиз маъқул. Ўзингиз учун кўп нарсаларни билиб оласиз. Фарзандингиз билан турмуш ўртоғингиз иккаласини бир-бирига мақташ орқали муносабатларига илиқлик киритишингиз мумкин. Масалан турмуш ўртоғингизга “сиз келсангиз қизимиз бирам ҳурсанд бўлиб кетади” каби. Қизингизга эса турмуш ўртоғингиз ҳақида “қара мана бу нарсани сен учун олиб келибди” каби. Шунда ҳам турмуш ўртоғингизнинг феъли ўзгармаса у ҳолда катталарга айтишингиз керак унга насиҳат қилишсин. Илмлик одамлар ҳам насиҳат қилишлари керак. Валлоҳу аълам.
