Ассалому алайкум! Турмуш қурганимга салкам 1 йил бўлди. Қайнона, қайнота ва қайним билан яшаймиз. Яқинда қайним ишга кирди. Кечаси соат 11 ярим, 12 ларда келади. Табиийки, мен у келиб овқатланиб бўлгандан кейингина бемалол хонамга кириб кетишим мумкин. Бу вақтгача эрим ухлаб бўляптилар. Эрталаб уйғонганларида хам ёнларида бўлмайман. Қандай йўл тутай? Етарлича вақт, эътибор ажратолмаётганимдан, улардан хам шуни ололмаётганимдан хавотирдаман. Аллох илмингизни зиёда килсин.
– Ва алайкум ассалом! Уни бу вақтгача кутиб уйқусиз ўтиришингиз шарт эмас. Овқатини иссиқ қилиб ўраб қўйинг. Келиб ўзи еб олсин. Валлоҳу аълам!
