Ассалому алайкум! Анчадн бери ишларингизни кузатаман аммо бугун ро‘йҳатдан о‘тдим. Менга ёрдамингиз керак. Илтимос менга ёрдам беринг. Оилада 5 фарзандмиз шунинг учун бо‘лса керак онам бош фарзандлигим учунми менга нисбатан меҳрсиз отам бн орамиз яхши эди аммо эрга текканингиздан со‘нг истайсизми ё‘қми оталар ҳам о‘згарар экан. Отам о‘рнида турмуш о‘ртог‘имдам меҳр истайман лекин эримга буни тушунтира олмайман. 3 бола бн ҳеч қаерга бормасдан уйда о‘тираман, эрим дугоналаримга қо‘шниларга қо‘шмайди узи ҳам ҳеч қаерга олиб бормайди. Кетма кет туг‘риқларми бир хил хаётми мени сержахл қилиб қо‘йди болаларимда оляпман аламимни. Эримдан меҳр кутишим биргаликда ҳаво алмаштириш учун сайрга чиқишимни со‘расам жанжал бо‘лади. Булар мени ношукрлигимданми маслаҳат беринг илтимос. Уммуман эркак киши оиласи бн сайр саёҳат қилиши аёлини чалг‘тиш учун ко‘чага олиб чиқиб туриши лозиммиёки аёллар фақат уй иши бола тарбияси билангина машг‘ул б‘лиши керекми. Бир хиллик ҳам жонга тегади базида мен ношукрлик қиляпманми.
– Ва алайкум ассалом! Аёл киши бутунлай эркак кишининг гапига бўйсуниши керак. У қил деган ишни қилиш ва қилма деганини қилмаслик керак. Кўчага чиқишга рухсат йўқ экан демак ёки чиқмаслик керак ёки рухсатини олиш керак. Рухсатини олиш учун эса эркак психологиясини ўрганиб чиқиш керак. Буни интернет оламидан ўқиб ўрганса бўлади. Ҳозирда билим олиш учун бирон жойга бориш шарт эмас. Уйингизда ўтириб ҳам билимларингизни ошираверишингиз мумкин. Эркак кишига аввал табассум билан мурожаат қилиш керак. Яхши гумонда бўлиш керак. У ҳақда яхши ва чиройли фикр-мулоҳазалар юритиш, ўйлаш ва тасаввур қилиш керак. Ҳаётидан нолиш ҳаёлида бўлса эркак киши бундай аёлдан кўнгли совийди. Шунинг аёл кишини ўзини нақадар бахтлик эканани гапириб туриши, ўзини ҳурсанд қилиб кўрсатиши керак. Аслида ўзини бахтли деб ҳисоблаш ҳам керак. Баъзи оилалар борки аёл киши пул топиб келади эркак унинг пулларини олиб қўяди ва қиморда ютқазади. Аёл тинмай меҳнат қилади. Болаларимга едираман деб уйига олиб келган пулини эркак киши зўраволик қилиб олиб қўяди. Шундан эркаклар ҳам борки аёлининг, болаларининг пулларига ароқ ичиб юради. Сизда бундай ҳолат йўқку. Шунинг учун ҳам шукр қилиб ўзингизни бахтли ҳисоблашингиз керак. Буни турмуш ўртоғингизга ҳам билдиришингиз керак. Сўнг сизни сайрга олиб чиқиши мумкин. Ҳозирча эса эҳтимол “бу ноливерадиган аёл менинг қадримни билмайди” деб ўйлаб сизни шу йўл билан жазолагиси келса керак. Болаларни тоза ҳавога сайрга олиб чиқаман дея айланиб келсангиз бўлади агар у билан чиройли муносабат қура олсангиз. Эркак киши кўча ишлари учун жавобгар, яъни тирикчилик қилиш учун. Аёл киши эса уй ичи учун жавобгар, яъни овқат қилиш, уйни озода сақлаш, болаларни чиройли тарбиялаш ва уларни парваришлаш каби. Бу шариатимизнинг талаби. Шу сабаб ҳозирги ҳолатингизга албатта шук қилишингиз керак. Валлоҳу аълам!
