Ассалому алайкум! Одинахон опа! Агар эр-хотин ўртасида ажралиш хакида жанжал бўлиб турган вақтда эрнинг кет, йўқол деганга ўхшаш гапни айтишида эрнинг нияти ажралиш бўлса, шунга кўра талоқ тушади дейилган эди. Мени турмуш ўртоғим хам "ажраламиз, тамом" деб турганларида мен "майли, факат шу уйда иддамни чиқаришимга рухсат беринг" деганимда "тур йўқол идда-пиддангни билмайман, пошел на ...." деб сўкиниб ташладилар. Бирор ахли илмга борайлик десам бормайдилар. Кейин мен сиздан сўраганимда эрингизни ниятига каралади деган эдингиз. Мен жахлларидан тушиб, мен билан гаплашишни бошлаганларидан кейин секин : " ўша пайтда кет деганда нимани назарда тутгандингиз" деб сўрасам "ажралишни" дедилар. Энди орамизга талоқ тушдими? Биз олдин икки талоқ билан никох ўқитган эдик, энди бу учинчи талоқ хисобланадими? Мен хозир хўжайнимни ниятларини билган кунимдан бошлаб, хар эхтимолга қарши деб сиз айтгандай уч талоқни иддасини бошладим. (Уйдан умуман кўчага чикмаяпман). Давом эттираверайми? Факат хўжайним билан кўп қаватли икки хонали бир уйда яшаяпман (уч болам билан). Авратим берк, ўзим хам пардозсиз. Ош-овкатларига, кийимларига караяпман, лекин масофа сақлаган холда, шу мумкинми? Иддам чиқса кетаман ин шаа Аллох.
– Ва алайкум ассалом!Агар аввал икки талоқ тушган бўлса ва кет деганда талоқни ният қилган бўлса, учинчиси ҳам тушган бўлади. Унга номаҳрам билан қилган муносабатингизни қиласиз. Уй тор бўлиб турса эр кетиб туриши керак. Валлоҳу аълам!