Ассалому алайкум! Хурматли устоз!
Мен оилада кенжа келинман. Турмуш ўртоғим мусофирчиликдалар. Мен ва икки нафар болам (2 ва 8 ёш) учун бир хонани ажратиб беришган. Бу хона қайнона ва қайнотамнинг хоналари билан бирин-кетин жойлашган, яъни биз хонамизга кириш ва чиқишимиздан аввал қайнона-қайнотамларни ётоқ хоналигидан ўтамиз. Уларнинг ёши 70 да. Шу холатдаги турмуш тарзи жоизми?
Ёки келин ота уйида туриши керакми?
Ховлида яна 2 та ака оиласи билан туради.
«Билимсизликнинг шифоси» ҳайъати:
– Ва алайкум ассалом!Келин ўзи бемалол кириб чиқадиган, унинг изнисиз бошқалар кира олмайдиган масканга эга бўлишга ҳақли. Агар шароит тўғри келмаётган бўлса, вақтинча ўз ота онасиникида яшаб туриши жоиз. Валлоҳу аълам!
