Ассалому алайкум! Биз қизлар билан кафега киргандик, умуман бўш жой йўқ экан. 5 минут кутгандан сўнг 1 стол аёллар туриб кетишди, катта 3 лаганда манти ейишган экан, чиройли мантилар ,деярли кўплигидан тагида қолиб кетганди. Шерикларим менга олинг битта биттадан ейлик дейишди, мен уят қўйинглар десам, уволку шунча овқат, бекорга қолди, нимага уят бўлади дейишди. Битта биттадан олдимда, едик, мен айттимки улар хақини тўлаб қўйишганку, Аллохни олдида қандай жавоб берамиз десам, ўғирлик қлимадику, қолган овқатини едик дейишди. Лекин мени кўнглим хеч хотиржам бўлмаяпти, қўрқяпман, уяляпман, Аллохга қандай жавоб бераман? Нима қилиб ўша еган мантимни қарзидан қутиламан ? Ахир у бировни хаққи эди, пул тўлаб қўйганди. Бировни хаққини еб қўйдим. Илтимос ёрдам беринг, жавоб учун рахмат.
– Ва алайкум ассалом! Истиғфор айтинг. Садақа чиқаринг. Валлоҳу аълам!
