Ассалому алайкум! Ассалому алайкум ва роҳматуллоҳи ва баракотуҳ! Барча мўмин мусулмонларни бир бирига ака- ука, опа- сингил қилган Аллоҳимга ҳамд ва санолар бўлсин! Ҳабибимиз Муҳаммад соллаллоҳу алайҳи васалламга салавоту саломлар, дурудлар йўлласин. Бу қулайликларни сайтга қўшганингиз учун Аллоҳим сизларни улуғ ажр билан мукофотласин. Саволим қуйидагича: ёшим 19 да, талабаман, турмуш қурмаганман. Мени безовта қилаётган ҳол: кайфиятим жуда ўзгарувчан, атрофимдаги одамлардан норозилик ҳиссини кўп сезаман. Кўп ҳолларда ўзимни ёлғиз ҳис қиламан, нима қилмай, қай йўл тутмай худди нотўғридек, ҳамма менга ёмонлик қилиши мумкин. Шунинг учун одамлардан узоқроқ юриш керак деган хаёллар кўп келади, бора-бора агрессияга бериляпман. Балки бу ҳолатимга яқинларимдан узоқда, четда ўқиётганим сабабдир. Ўзим намоз ўқийман, Қуръон ёдлашни яхши кўраман. Либосимни Аллоҳим буюрганидек қилишга ҳаракат қиламан. Аллоҳим хайрингизни берсин, менга маслаҳат беринг: қай йўл билан бу ҳолатдан чиқсам бўлади? Ассалому алайкум ва роҳматуллоҳи ва барокатуҳ!
Руҳшунос:
Ва алайкум ассалом!
Мусулмон инсон ҳар бир яхшилик ва ёмонлик Аллоҳнинг қадари билан юзага келишини яхши англамоғи керак. Шундагина унга келаётган бало-мусибатларни енгиб ўтиши осон кечади .Агрессия ,ғазабланиш,ёмон гумон — мусулмонга хос бўлмаган ёмон хислат .Пайғамбаримиз соллаллоҳу алайҳи васаллам ҳам умматларига » Ғазабланма! «-деб ўгит бермаганмидилар ?! Ижозат берсангиз Доктор Оиз Қарнийнинг » Ўкинма » номли асарларидан сизга тегишли ерларидан иқтибос келтирсам:
«Ғамгин бўлманг! Қуйидаги қоидалар сизни саодатга элтади:
1. Агар сиз бу кун чегарасида яшамас экансиз,зеҳнингиз тарқоқ бўлиб, ҳар ишда изтиробга тушасиз, ғам-қайғуларингиз кўпаяди . «Тонгга кирсанг,тунни кутма ,тунга кирсанг,тонгни кутма».
2. Ўтмиш ғам-ғуссаларини унутинг,ўтмишдаги ишлар учун ғам чекиш аҳмоқликдир.
3.Келажак ташвишини ҳам ҳозирдан чекманг.Чунки у ғайб оламидир,келажак келгунига қадар у ҳақида ўйлашни ташланг.
4. Бировларнинг танқидларига парво қилманг,солиҳ амаллар қилишда собитқадам бўлинг. Танқид сизнинг қийматингизни баҳолайди.
5.Аллоҳга имон келтириш ,солиҳ амал қилиш гўзал,бахтли ҳаёт гаровидир.
6.Осойишталик ,хотиржамлик ва роҳатни истаган киши Аллоҳни кўп ёд эсласин.
7.Барча нарса Мавломизнинг қазоси ва қадари билан эканини билинг.
8.Ўзгалардан миннатдорчилик кутманг.
9.Нафсингизни энг ёмон оқибатлар эҳтимолини ҳам кўтара олишга ўргатинг.
10.Балки ўша иш содир бўлса, унинг ортида сиз учун яхшилик бордир.
11. Қазонинг барчаси мусулмон учун яхшиликдир.
12.Раббингиз сизга ато этган неьматлар ҳақида фикр қилинг ва унга шукр қилинг.
13. Сиз ўзингизга берилган имкониятлар билан одамларнинг кўпидан устун эканингизни билинг.
14.Ҳар икки соат оралиғда фаровон ҳаёт бордир.
15. Инсон бошига тушган мусибат уни дуо қилишга , Парвардигорига бўғланишга ундайди.
16. Мусибатлар ақл ва қалбнинг малҳамидир.
17.Албатта қийинчилик ортидан енгиллик ҳам бор.
18.Арзимас синовларга руҳиятингиз синиб, таслим бўлиб қолманг.
19. Парвардигорингизнинг мағфирати кенгдир.
20.Ғазабланманг! Ҳеч қачон ғазабланманг.
21. » Осмонда эса ,сизларнинг ризқларингиз (ёмғир) ва сизларга ваьда қилинаётган нарса (жаннат) бордир» . Зариёт сураси ,22-оят.
22. Сизни хавотирга солаётган ишларнинг кўпи амалда юз бермайди.
23.Мусибат эгаларидан ибрат олинг.
24. Аллоҳ таоло кимни яхши кўрса ,уни имтиҳонлари билан синайди.
25. Ғам-қайҳуни аритувчи вирд ва дуоларни кўп такрорлаб юринг.
26. Керакли ва фойдали амаллар билан машғул бўлинг ,бекорчиликни тарк этинг.
27.Ҳар хил иғвою мишмишлардан йироқ бўлинг,асоссиз ва далилсиз ҳеч қачон уларга ишонманг.
28. Адоватга ўч олишга бўлган ташналик душманингиздан кўра ўзингизнинг соғлигингизга зарардир.
29. Бошингизга тушган мусибат ва синовларга чиройли сабр қилишингиз гуноҳларингиз учун каффоратдир».
Имконингиз бўлса шу китобни топиб,ўқиб чиқсангиз бўлади,анча таскин топасиз деган умиддаман.
Шу билан бирга саломатлигингизни ҳам текширтиринг. Баьзи эндокрин касалликлар(гипертиреоз ,қандли диабет…) ,соматик касалликлар ҳам жиззакиликка олиб келиши мумкин.Эндокринолог ва невропатологга учранг ва улар тавсиялари асосида ҳам даволанинг. Энг хавфсиз доривор гиҳлардан иборат » Триогален «( 10-20 томчидан 3маҳал) , » Успокой » ( 1 таблеткадан 2-3 маҳал)номли воситалардан фойдаланишингиз мумкин
