Ассалому алайкум! Бир қариндошим бир йилча олдин турмушга чиқди. Куёвнинг ота онаси кредитга тўй килишган ва эндиликда қарзни келин тўламоқда (сабаб куёв талаба, ойлиги кам). Келиннинг аксарият харажат ларини келиннинг оиласи тўламоқда. Етмагандек қайнотани ишдан эшик очиб кутиб олмагани ва кузатмагани учун жанжал қилмоқда. Қайнота келиннинг отаси табрикка жавоб ёзмаганлигини рўкач қилиб жанжал зам қилган.Келинни бир ойда жанжал билан уйига жўнатишади. Бўлажак фарзанд учун хамма нарсани келин томон оляпти. Уйда қиз фарзанд бўла туриб уй ишларини келин бир ўзи бажараяпти. Бу вазият канчалик тўғри ва қандай оқилона йўл тутиш мумкин.
– Ва алайкум ассалом! Ҳаммаси зулм. Аллоҳдан қўрқиш керак. Келин ҳам келин томон ҳам куёв ва у томонга оид бирор ишни ўз зиммасига олмасин. Куёвга оила керак бўлса ҳаракатини қилсин. Бўлмаса бу каби эрнинг кераги йўқ. Валлоҳу аълам!
