Ассалому алайкум! Аллоҳ илмингизни зиёда қилсин. Мен давлат ташкилотида ишлайман. Кўпчилик ташкилотларда намоз ўқишга рухсат йўқ. Шунинг учун эшигимни бекитиб яширинча ўқийман. Лекин базан кимдир келиб қолади, келиб қолса нима қиламан деган ўй билан ўқийман, чунки хонани калити мендан бошқа кишиларда ҳам бор. Табиийки бундай пайтда хушуга путур етади. Шундай пайтларда виждоним қийналади, ўқиган намозим қабул бўлдимикан деб. Сиздан сўрамоқчи бўлганим, бу қўрқув ҳадиксираш намозга путур етказмайдими ва бу каби қўрқувдан ҳалос бўлиш учун нималар қилишни тавсия қиласиз? Жавобингиз учун олдиндан раҳмат.
– Ва алайкум ассалом! Аввало шу вазиятда ишлашингиз нақадар муҳим, шу ўйлаб кўриш керак. Намознинг арконлари ўрнида бўлса қабул бўлади. Аммо хушуъ бўлмагани сабаб камолига бироз футур етиши мумкин. Намозга бўлган ҳарислигингиз учун Аллоҳдан ажр умидидамиз. Валлоҳу аълам!
