Ассалому алайкум! Менинг фарзандим яқинда 1 ёшга тўлади. Шу муносабат билан ойим бешик қўймоқчилар. Бешик қўйиш учун ҳам анча харажат қилиш керак. Аммо билишим бўйича бешик қилиш деган нарса динда йўқ экан, қолаверса ойим ёлғиз ўзи дадам 2009 йилда вафот этган. Мен ойимга оғирлик тушмасин деяпман. Шу сабабли мен хўжайинимнинг оиласидан яширинча банкдан кредит олиб ойимга бешик харажатлари учун берсам бўладими? Бу пул ҳалол ҳисобланадими? Бундан ташқари етмаганига яширинча ойлигимдан берсам бунинг ҳукми қандай бўлади? Ёки бошқа йўл тутайми? Жавобингиз учун раҳмат.
– Ва алайкум ассалом! Кредит олиш жоиз эмас. Аввало бу ишлар онангиз зиммасида эмас, фарзанднинг отаси бўлган эрингиз зиммасида эканини тушунтириш керак. Ўз пулингиздан харажат қилиниши жоиз. Эрингиз қилиши керак аслида. Валлоҳу аълам!
