Ассалому алейкум. Устоз. Аллох илмингизни зиёда қилсин. Аллохни фазли билан, ман ва ота онамлар умра сафарига бордик, у ерда жидда саёхатига хам чиқдик, ва қизил денгизда кемага чиқиб сайр қилдик. Келганимдан кейин бир домладан эшитишимча, жидда шахри Харам худудига кирар экан, лекин денгиз худуддан ташқари экан, фақат жидда қуруқликлари Харам худудига киради дедилар. Табиийки биз билмаган холатда қизил денгиз саёхатидан сўнг, хеч қайси мийқотда эхромга кирмай яна Кааба га қайтиб ибодат қилаверганмиз. Шунга энди биз жиноят қилган хисобланамизми? Битта умра, ва битта қўйга қорздор бўлиб қайтдикми? Илтимос шу саволимга жавоб берсангиз, жудаям юрагим ғаш бўлиб қолди. Жавоб учун олдиндан рахмат. Аллох рози бўлсин.
– Ва алайкум ассалом! Эҳромга қаердан ният қилганингизга боғлиқ. Агар мийқотдан ташқарида ният қилган бўлсангиз, дуруст. Аммо мийқотдан ўтиб кейин ният қилган бўлсангиз, битта жонлиқ сўйиш лозим. Қайта умра қилинмайди, ўша умрангиз комил бўлади. Валлоҳу аълам!
