Ассалому алайкум. Опа, мен дардимни айтмоқчиман. Мен эримга 2-хотин бўлиб тегдим. Тегганимдан ўрганган нарсам унга куннинг маълум қисмидагина телфон қилиш бўлди. Адолат қилинг десамам қилмасди. Хотини сиқилаймиш. Мени куп азоб чеккан тунларимда, кунларимда ёнимда бўлмаган. Ҳозир 2та қизим бор аҳвол ўшандай эди. Кундуз пайти маълум вақт келиб кетади. Уни шунинг учун ёмон кўрайдим. Тўғри у ҳам менга қониқмайди. Сабаби мен қишлоқилик момилам хунук. У хоҳлагандай эмасман. Лекин у мени ёнимда қачондир бир ҳафтада бир марта бўлсаям тунимда қолади, Биринчи хотини кўнади деб ва қариндошларим орасида ўйнаш деган лақабдан қутуламан деб орзу қилиб юрудим. Ўзи яхши, қизларимни яхши кўради. Лекин яқинда менга ёрдам бўлиши учун бир эрсиз қоб қийналиб қолган аёлга уйландилар. Ўша аёл менга намозхон уйланадиганлар бўлса уйлансин деворганмиш. Эрим мени ёнимга келиб фоҳишалар кўпайишига ким айбдор деб гапирди. У аёлнинг эримга тегишига сабаб эса эримнинг ҳусни ёққанлиги бўлди. Мен чидолмаяпман. Олдин мени ҳақимни адо қилиш ҳақида ўйласа бўлмасмиди? Ўзимни ўлдиргим келяпти, қизларимга қараб қўйяпман. Эрим у аёл билан севги ўйинини ўйнаб юрибди. У аёлам эримга ёпишиб об жоним ва бошқа нарсалар деб смслар ёзади. Ёши катта бўлсаям уялмасакан тегганига биркун бўб жоним деб кетган. Эримга гапирсам ундан кўра болалар тарбияси билан шуғуллан дейди. Йиғласам исён қилма ё давленам чиқяпти дейди. У аёли менга сени йўқ қиламан деб дўқам қилди бирмарта. Кетай десам бошқа борадиган жойим йўқ. Бўлмаса ота онамни уйига кетворайдим. Маслаҳат беринг
Одинахон Муҳаммад Юсуф:
Ва алайкум ассалом. Турмуш қуришдан аввал адолат қилиш масаласини кўриш керак эди. Шариат буюрганидек икки томонни ушлашни айтса, кейин турмуш қуриш керак эди. Лекин минг афсус, биз ишни тезроқ ҳал қилишга шошиламиз, ўйланишлар эса иш битиб бўлганидан кейингга қолади. Синглим, биз бир нарсани тушунишимиз керак, эркак киши муаммо бор жойдан, аёлнинг нолаларидан, норозилигидан қочади. Улар ўзларига қулай, тинч ва қувонч берадиган жойни қидиришади, ўша ерга талпинишади. Айниқса ҳозирги кўп эркаклар чидамсиз, қийинчиликлардан қочиб роҳатни истайдиган бўлиб қолган. Содда аёллар эзилиб, тинимсиз нолиб, давомли ҳуқуқини талаб қилиш билан эрларини ўзларидан бездирмоқдалар. Уста аёллар эса, тилларини ширин қилиб, эркакка истаган шароитини яратиб, ундан “қаҳрамон” ясаб, ўзларига боғлаб оляптилар. Модом борар жойингиз йўқ экан, орада икки фарзанд бор экан, ҳаёт тарзини ўзгартиринг. Эрингизга бўлган муносабатингизни ўнгланг. Турмуш сизники, эр жуфти ҳалолингиз. Турмушни сақлаб, ҳалолингизни ушлаб қолинг. Ҳозирги ҳолат билан уни совутасиз холос. Валлоҳу аълам.
