– Ва алайкум ассалом! Болалар мактабга чиққунча борадиган тайёрлов курсларининг ўқув дастури билан танишинг. Аслида болалар мактабгача даврда жуда кўп расм чизишлари керак. Табиатга қараб турли манзараларни чизиб, бўяшлари ва у ҳақида тасаввурларини гапиртиришга ўрганишлари лозим. Мантиқий фикрлашларига йўналтирилган психологик китоблардаги расмларга қараб ўз фикрларини баён этишларига кўмак бериш керак. Бу болани келажакда кўпроқ мушоҳада қилишига ёрдам беради. Турли лего, рангли қоғозлардан бирор нарса ясашларини ўргатиш лозим. Ўқув курсларда эса 1-синф дастурлари асосида дарс ўтади.
Бу январ, феврал ойларига келиб болани зериктириб қўяди. Шунинг учун курслардаги дастурларни яхшилаб солиштириб, ижодий, мантиқий дарслар ўтадиган курсларга беришингизни тавсия қиламиз. Мактабга 1-синф дастурини яхши ўрганиб чиқишларини тавсия қилмаймиз.
