Ассалому алайкум! Саволим: Геморой хасталигим бор эди, шуни бир неча кун олдин жарроҳлик йўли билан олдирдим. Ҳозир ўтириш мумкин эмас, операция бўлган жойимни ҳам юва олмайман, бир кунда икки марта ювишим мумкин фақат переваска қилган вақтда. Операция бўлган жойимдан вакти-вакти билан йиринг ёки қон оқиши мумкин. Шу ҳолатда менга намоз ўкишлик жоизми? Ёки ўқимаслигим керакми? Аллоҳ сиздан рози бўлсин.
– Ва алайкум ассалом! Намозни ўқийсиз. Бундай ҳолатда ўқимай ташлаб қўйишингиз жоиз бўлмайди. Ўтириш мумкин бўлмаса, ёнбошлаб ўқийсиз. Жароҳат ўрини ювиш мумкин бўлганда ювиб, мумкин бўлмаган пайт имкон қадар поклаб (мисол қуруқ ёки нам нарсада артиб) ўқилаверади. Қон ва йиринг оққан вақтида уни поклаб, таҳорат олиб намозни ўқийверасиз. Аллоҳ шифо берсин! Валлоҳу аълам!
