Қайнонамни ёмон кўраман

22:44 / 06 апрель | Muxlisa | 227
Ассалому алайкум! Турмуш қурганимга 6 йил бўлди. Кўп қаватли уйда турамиз. Қайнонамни иккита қизлари бор турмуш қуришган. Қайнонам қизларига ҳар куни тел қилиб мени ёмонлайди. Жуда чарчаб кетдим. Хизматларини қилсам, нима десалар хўп десам. Ҳар куни эшитаман. Уйимиз жуда кичкина, эшитилади. Бу эшитганларим гап пойлаш бўлиб, гуноҳ бўлмайдими?
Одинахон Муҳаммад Юсуф:

– Ва алайкум ассалом! Гап эшитиш мақсадида ҳаракат қилмаган бўлсангиз, ўзи шундай эшитилиб турса, гуноҳ бўлмайди. Имкон қадар эшитмасликка ҳаркат қилинг. Чунки бу гаплардан хайр йўқ. У гапларни ўзингизга олманг. Агар чин бўлса, айбларни Аллоҳ кечирсин. Агар йўқ нарсалар бўлса, демак, гапларнинг сизга алоқаси йўқ. Бу гаплар сизнинг гуноҳларингизга каффорот бўлади. Кўнглингизга олманг.  Валлоҳу аълам!