– Ва алайкум ассалом! Рўзадор ҳолда, шунингдек ифтордан олдин бошидан сув қуйиб чўмилиш жоиз. Сувга кўмилиб, яъни ичига тушиб чўмилиб бўлмайди.
- وَقَالَ بَعْضُ أَصْحَابِ النَّبِيِّ r: لَقَدْ رَأَيْتُ رَسُولَ اللهِ r بِالْعَرْجِ يَصُبُّ عَلَى رَأْسِهِ الْمَاءَ وَهُوَ صَائِمٌ مِنَ الْحَرِّ أَوْ الْعَطَشِ. رَوَاهُ أَبُو دَاوُدَ وَالنَّسَائِيُّ وَأَحْمَدُ.
«Набий соллаллоҳу алайҳи васалламнинг саҳобаларидан баъзиси:
«Батаҳқиқ, Расулуллоҳ соллаллоҳу алайҳи васалламнинг Аржда рўзадор ҳолларида иссиқ ёки чанқоқликдан бошларидан сув қуяётганларини кўрдим», деди.
Абу Довуд, Насаий ва Аҳмад ривоят қилганлар.
Шарҳ: «Арж» Мадинаи мунавварадан бир неча кунлик йўл узоқликда жойлашган бир қишлоқнинг номи. Ушбу ривоятдан «Рўзадор инсон устидан сув қўйиб чўмилса бўлади», деган ҳукм чиқади. Агар ўша ғуслнинг сабаби чанқоқлик ёки куннинг иссиқлиги бўлса ҳам.
Бурун, қулоқ(ҳозирги кунда қулоққа томизса очилмаслигига фатво берилди), орқа каби аслий йўллардан томизиш, клизма туфайли ичкарига ёки мияга бирор нарса етиб борса рўза очилади. Бадойиъус Санойиъ.
САВОЛ: Қулоқ ёки киндикка сув киргизилса рўза очиладими?
ЖАВОБ: Кинидикка сув киргизиш билан рўза очилмайди. Қулоққа ғусл чоғида сув кириб кетса очилмайди. Қасддан киргизилса ва мия тарафга етиб борса рўза очилиш ва очилмаслигида ихтилоф қилинган.
وَالْحَاصِلُ الِاتِّفَاقُ عَلَى الْفِطْرِ بِصَبِّ الدُّهْنِ وَعَلَى عَدَمِهِ بِدُخُولِ الْمَاءِ وَاخْتَلَفَ التَّصْحِيحُ فِي إدْخَالِه
Хулоса шуки, қулоққа дори томизилса рўза очилишига, сув кирса очилмаслигига иттифоқ қилинди. Қулоқнинг ичига қасддан сув киргизилса очилиш-очилмаслигига ихтилоф қилинди. Ҳидоя соҳиблари очилмаслигини айтганлар.
و لو اقطر في اذنه الماء لا يفسد صومه كذا في الهداية و هو الصحيح
Агар рўзадор қулоғига сув томизса рўзаси очилмайди. Ҳидояда шундай келтирилган. Бу саҳиҳ қавлдир. Фатавои Ҳиндия.
Валлоҳу аълам!
