Ассалому алайкум! Мeн бир маърузада “чақалоқнинг ота-онаси қанақа динда бўлмасин туғилганида мусулмон бўлиб туғилади” дeган гапни эшитгандим. Шу қанчалик рост ва қайси хадисда келтирилган?
Одинахон Муҳаммад Юсуф:
Ва алайкум ассалом!
Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Ҳар бир туғилган бола фақат фитрат (соф табиат) ила туғилади. Бас, ота-онаси уни яҳудий ва насроний ёки мажусий қилади. Бу худди ҳайвоннинг бус-бутун ҳайвон туғишига ўхшайди. Сиз унда қулоқ-бурни кесилганини ҳис қилганмисиз?» дедилар.
Сўнгра Абу Ҳурайра «Агар хоҳласангиз: «Аллоҳнинг одамларни яратган фитратидир. Аллоҳнинг яратишини ўзгартириш йўқ. Ана ўша, энг тўғри диндир», деган оятни ўқинг», дер эди».
Тўртовлари ривоят қилишган.
Валлоҳу аълам!.
