Ассалому алайкум! Мeн айни вақтда хориж унивeрситeтларидан бирига ўқишга кириш учун тайёрланаяпман. Эшитишимча аёл ва қизлар ёнларида маҳрамларисиз чeт давлатларга боришлари тақиқланган экан. Лeкин илм олиш мақсадида қизларни бориши мумкинми?
«Билимсизликнинг шифоси» ҳайъати:
Ва алайкум ассалом! Маҳрамсиз бориб бўлмайди. Бу шариатга ҳам, одатларимизга ҳам тўғри келмайди.
Имом Бухорий ва имом Муслим ривоят қилган ҳадисда ҳазрати Абдуллоҳ ибн Аббос розияллоҳу анҳу айтадиларки, Пайғамбар соллаллоҳу алайҳи васаллам хутба қилаётиб:
«Ҳаргиз бир эркак бир аёл киши билан холи қолмасин, агар аёлнинг маҳрами бўлса, майли, аёл киши зинҳор сафарга маҳрамсиз чиқмасин», дедилар. Шунда бир киши ўрнидан туриб:
«Эй Аллоҳнинг Расули, менинг аёлим ҳажга чиқди, мен эса фалон жойда бўладиган ғазотга ёзилдим», деди. У зот соллаллоҳу алайҳи васаллам унга:
«Сен бориб аёлинг билан бирга ҳаж қил!» дедилар.
Валлоҳу аълам!.
