Ассалому алайкум! Оилали, 1 фарзанднинг онаси, шифокор, тадбиркорман. Бир куни ҳўжайним билан аразлашиб қолдик. Онамникига келдим. Бошқа вилоятда яшовчи синглим ҳам оиласи билан меҳмонга келганди. Турмуш ўртоғим менга қўнғирок қилиб “фалон соатгача уйга келмасанг сен талоксан” дедилар. Кўзларим ёшланиб, нафасим бўғзимга тиқилди. Айтилган вақтда барибир ҳам бориб улгурмасдим. Оз вақтдан кейин смс юбориптилар : “сенга яқинрок жойга келдим чи” деб. Смсни кеч ўқидим, бориб улгурмасдим. Уларга қўнғироқ қилиб роса гапирдим. Шунда улар : " Мен сенга қўйилган шартни бекор қилдим, бу муаллак талоқ эди. Шартни бекор қилдим, сенга талоқ тушмади " - дедилар. Лекин менинг кўнглим таскин топмаяпти. Шундай ҳолатда талоқ тушганми?
– Ва алайкум ассалом! Муаллақ талоқни бекор қилиб бўлмайди. Уни айтган одамнинг ўзи ҳам бекор қила олмайди. Шарт бажарилмаган бўлса, талоқ тушган бўлади. Валлоҳу аълам!
