Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Мусулмон фотосуратчи Сана Уллаҳ ўзининг “Сиз ибодат қиладиган жойлар” деб номланган фотожамланмаси учун 2019 йилги Гольдциер (Goldziher) мукофотига сазовор бўлди, деб хабар беради Жорж Вашингтон университети мустақил нашри The GW Hatchet. Фотожамланмада мусулмонларнинг турли жамоат жойларида ибодат қилаётганлари акс этган.

Гольдциер мукофоти (Goldziher Prize) мусулмонлар ҳаётини ёритиб берувчи америкалик журналистларга бериладиган мукофотдир.

Сана АҚШдаги 5000 доллар мукофот совриндори бўлган 6 кишидан биридир. Иқтидорли ғолибанинг таъкидлашича, “Мукофот Исломнинг кўпчилик кўрмайдиган ёки кўрса ҳам, билмайдиган томонларини инсонларга таништирди”.

Сана ўз фотожамланмасидаги суратларни 2015 йилда, синглиси кийиниш хонасида намоз ўқимай қўйган пайтдан бошлаган. “Шу онлар мени бошқа мусулмонларнинг ибодат қилишларини суратга олишга ундади”, дейди у. У ўз фотосуратлари орқали мусулмонларнинг ўзига хослигини кўрсатиб бериш орқали Ислом тўғрисида инсонларда тасаввур пайдо қилиш, мусулмонлар ибодатининг гўзаллигини тасвирлаб беришни истади.

Лойиҳа ҳақида сўзларкан, Сано яна шундай деди: “Ушбу лойиҳа инсонларни мусулмонлар нима учун бундай қилишларини, бунинг ортида нима мақсад борлигини сўзлаб беришга ундашига, шу билан бирга ёш мусулмонларни ўз динларига қўрқмай амал қилишга руҳлантиришига умид қиламан”.