Япониянинг кўчма масжидлари Олимпиада ўйинларига тайёр
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Халқаро Олимпия ўйинларига одатда турли дин ва миллатларга мансуб кўплаб ўйинчилар ташриф буюришади.

Бир неча асрлар муқаддам илк бор Афинада ташкил этилган бу халқаро спорт мусобақалари дунёнинг турли бурчакларидан ташриф буюрадиган инсонларни бир нуқтага жамлайдиган улкан анжуман ҳисобланади.

"Япония жаҳондаги энг нуфузли спорт тадбирини ўтказишга тайёргарлик кўраётган бир пайтда Токиодаги кўчма масжидлар 2020 йилги Токио Олимпиадаси ва Паралимпия ўйинлари пайтида минглаб мусулмон спортчилари ва мухлисларини кутиб олишга тайёр", дея хабар беради "Ройтерс" нашри.

Олимпия ўйинлари ташкилий ишлари ташаббускорларидан бири бўлган "Ясу лойиҳаси" иштирокчилари 24 июлдан 9 августгача давом этадиган Олимпиада ўйинлари вақтида намоз ўқиш учун махсус мобиль (кўчма) майдончалар қуришни режалаштирган эди.

Япониянинг Олимпия ўйинларига тайёр масжидлари

Токио, Япония, 5 феврал, 2020 йил. Ройтерс / Жек Таррант

 

"Мен спортчилар ўзларининг чин ғайратлари билан рақобатлашишини ва томошабинлар ҳам кучли иштиёқ билан қўллаб-қувватлашларини истайман. Шунинг учун мен ушбу ишга қўл урдим, ‒ деди ташкилотнинг бош директори Ясухару Иноуе Токио минораси ёнида турган оқ юк машинасини кўрсатиб, ‒ умид қиламанки, бу ишлар дунёда турли эътиқодли инсонлар борлиги ва уларнинг ҳеч бири камситилмаслигини, Олимпия ва Паралимпия ўйинларини тинч ва хотиржам руҳда ўтишини англатади".

Ушбу кўчма масжидлар юк машиналари кўринишида бўлиб, ибодатларини адо этмоқчи бўлган мусулмонларга қулай жойларга жойлаштирилади ва чодир каби кенгайтирилиб очилади. Покиза ва қулай жойда ибодатлар адо этилгач масжид яна йиғиб олинади.

 

"аboutislam" нашри асосида тайёрланди.

Мавзуга оид мақолалар
Россия президентининг матбуот котиби Дмитрий Песковнинг қизи Елизавета Рамазон ойида тўлиқ рўза тутишни режалаштираётганини эълон қилди. Бу ҳақида у ўзининг давоми...

10:11 / 26 апрель 231
Muslimaat.uz сайтида эълон қилинган йиллик танловданМакка ва Каъбанинг суратини илк бор олган мусулмон тасвирчиМуқаддас Маккаи Шариф суратини тарихга муҳрлаган илк давоми...

17:27 / 31 январь 530
Мичиган Ислом академияси АҚШнинг ўн ёшли муслима талабаси Google компаниясининг дудл Google Doodle Google сайтининг бош саҳифасида байрамлар, тадбирлар, муваффақиятлар давоми...

01:35 / 16.06.2019 456
Доғистонлик 10 ёшли Сайидмуҳаммад Багандов пул йиғиб, умрага борди. Тўрт йил олдин боланинг онаси ҳажга борган ва Сайидмуҳаммад у билан бирга ҳаж қила олмаганидан давоми...

12:19 / 27 январь 640