«Тараннум» танлови ғолиблари аниқланди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.


Muslimaat.uz сайти қошида аёл-қизлар ўртасида гўзал салавоту нашидлар ижро соҳибаларини аниқлаш мақсадида бу йил ҳам азиз опа-сингилларимизнинг талаб ва таклифларини инобатга олган ҳолда, "Тараннум" танлови эълон қилинди. Танловда Республика бўйлаб иштирок этиш истагини билдирган 17 ёшдан 30 ёшгача бўлган аёл-қизлар онлайн тарзда қатнашишди.

Танлов икки босқичда ўтказилди. Дастлаб биринчи босқич  иштирокчилари  мутахассислар томонидан саралаб олинди. Иштирокчилар битта нашид ёки салавотни ижро этиб, ижроларини онлайн тарзда махсус эълон қилган ботимизга юбордилар. Улардан ўн нафар иштирокчи саралаб олинди. Улар иккинчи босқичга йўлланма олдилар. 

Жорий йилнинг 15 июнь куни танловнинг иккинчи босқичи ўтказилиб,  ғолиблар аниқланди.  Биринчи босқичда саралаб олинган ўн нафар гўзал овоз соҳибларининг  махсус топшириқ асосида  жонли ижролари малакали мутахассислар томонидан эшитиб, ўрганилди. Вокал, маҳорат ва ижроси ҳамда тажвид қоидаларига қай тарзда эътибор  қаратилганига аҳамият берилди.

Танловга Глиэр номли Республика ихтисослашган мусиқа академик лицейи эстрада бўлими бошлиғи Дилфуза Зоитова ҳакамлик қилди. 

Ҳакамлар ўн нафар гўзал овоз соҳибларидан тўрт нафарини ғолиб топдилар. Биринчи ўринни Муродова Нилуфар (Самарқанд вилояти) ва Махсумова Озода (Сирдарё вилояти), иккинчи ўринни Баннобова Розияхон (Фарғона вилояти), учинчи ўринни Қобулова  Мадина (Андижон вилояти) эгалладилар.

Ғолиб бўлган гўзал овоз соҳибларини чин дилдан табриклаймиз.

Таҳририят

Мавзуга оид мақолалар
Шу йилнинг 2 март куни пойтахтимизнинг Шайҳонтоҳур туманида жойлашган .Муаллим, ўқув марказининг очилиш давоми...

01:14 / 17.11.2020 3692
Бугун, 16 май куни Самарқанд вилоятидаги quotҲадис илмиquot мактабида Ўзбекистон мусулмонлари идораси давоми...

05:46 / 17.05.2023 2742
2020 йил 7 декабрь куни Жиззах шаҳрида вилоятда фаолият олиб бораётган отинойилар учун ўқув семинари бўлиб давоми...

00:37 / 09.12.2020 3554
Канаданинг Миссиссога штатида мусулмон тадбиркор оила Рамазонга хос безакларни ясаб, аҳолини яқинлашиб давоми...

19:28 / 22.03.2021 6707