Энг нуфузли мусулмонлар рейтинги
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Иорданиянинг Амман Қироллик исломий стратегик тадқиқотлар маркази Жоржтаундаги Мусулмон-христиан бирдамлиги маркази кўмагида дунёдаги энг нуфузли мусулмонларнинг 500 талик рейтингини тузди. Тадқиқот 2009 йилдан бери мунтазам ўтказиб келинади.

26 октябрь куни эълон қилинган The Muslim 500-2021 рейтингида биринчи ўринни Туркия Президенти Ражаб Тойиб Эрдўған эгаллади (2019 йилда 6-ўрин). Иккинчи ўринда Саудия Арабистони подшоҳи Салмон ибн Абдул Азиз ал-Сауд (2019 йилда 4-ўрин), учинчи ўринда Эрон Олий раҳбари Оятулло Али Ҳоманаий (2019 йилда 2-ўрин) жой олган.

Ўтган йили рейтингда биринчи ўринни эгаллаган покистонлик Шайх Муҳаммад Тақий Усмоний бу йил бешинчи ўринга лойиқ кўрилган.

Топ-50 таликдан Иордания подшоҳи Абдуллоҳ II ал-Ҳуссейн (4-ўрин), Абу-Даби валиаҳд шаҳзодаси, БАА Қуролли кучлари Бош қўмондони ўринбосари Мухаммад ибн Зайд Ал-Наҳаён (7), Қатар амири Шайх Тамим ибн Ҳамид ал-Тани (11), Индонезия Президенти Жоко Видодо (12), Мисрнинг ал-Азҳар университети Шайхи доктор Аҳмад Муҳаммад ал-Тоййиб (13), Покистон Бош вазири Имрон Хон (15), Саудия Арабистони валиаҳд шаҳзодаси Муҳаммад ибн Салмон ибн Абдул Азиз ал-Сауд (23), футболчи Муҳаммад Салоҳ (42) жой олган.

Ўзбекистон мусулмонлари идораси раиси, муфтий Усмонхон Алимов рейтингда 166-ўринда қайд этилган. Шунингдек, Тожикистон Президенти Имомали Раҳмон ва Туркманистон Президенти Гурбангули Бердимуҳамедов 159-ўринни эгаллаган.


Манба: qalampir.uz

Мавзуга оид мақолалар
Махсус ниқобДунё бўйлаб Covid19 пандемиясига қарши юз ниқобларини тақиб юриш одат тусига айланди. Бу восита давоми...

07:14 / 22.05.2020 3061
2018 йил 5 февралда Наманган вилоятининг Чуст туманида жойлашган Мавлоно Лутфуллоҳ жоме масжидида давоми...

04:26 / 05.02.2018 2821
Муслимаат.уз, Муаллим медиа ва барча каналларимизда Туркиядаги мусибат муносабати билан мотам эълон давоми...

11:58 / 07.02.2023 1511
БAA бош вазири, Дубай ҳукмдори шайх Муҳаммад ибн Рашид алМактум ярадор қушни қутқаргани учун ижтимоий давоми...

22:20 / 24.11.2020 2416