Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Россия Федерацияси Президентининг матбуот котиби Дмитрий Песков Франциянинг Charlie Hebdo нашри каби нашр Россияда пайдо бўлиши мумкин эмаслигини таъкидлади. У Россияда 20 миллионга яқин мусулмон яшаётганини унутмасликка чақирди.
"Шуни унутмайликки, Россия қисман мусулмон мамлакати, Россияда 20 миллионга яқин мусулмон яшайди. Россияда асосий дин насронийликдир, аммо бизнинг мамлакатимизнинг ўзига хослиги унинг кўп миллатли ва кўп конфессиялигида. Ва барча эътиқоддаги инсонлар бир-бирига тўлиқ ҳурмат билан яшайди", деди Песков.
Шунингдек, давлат раҳбарининг вакили диндорларнинг ҳис-туйғуларини ҳақорат қилиш ва диний сабабларга кўра содир этиладиган жиноятларга ҳам йўл қўйиб бўлмаслигини айтди.
Манба: Islam.ru
