Сендан ўзга паноҳ йўқ, Роббим...
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.


 «Агар дунё кўзингга тор бўлиб, машаққат ичра қоларкансан, у ҳолда истиғфорни лозим тутишинг  сен учун энг катта ечим, нажот бўлгусидир», деган эди замонамизнинг уламоларидан бири.

    Дунёни чулғаган коронавирус номли офат юртимизда расман тасдиқланганига ҳам уч ой бўляпти. Ўтган кунлар давомида халқимиз билан бирга кўп нарсаларни бошдан ўтказдик, синалдик. Асли Пайғамбар суннати бўлмиш карантинга бутун халқимиз билан риоя этдик, тиб аҳли тунукун меҳнат қилди, барча тегишли соҳа масъуллари вазифаларини сидқидилдан бажаришди.

   Сабаблари ушлангани  боисми, умид этамиз, Аллоҳим эҳтимоли бўлган улкан зарарлардан асради, иншааллоҳ. Бу орада рўзалари, Қуръон тиловатлари, Қадр кечалари билан Моҳи Рамазон ўтди...

    Лекин Яратганнинг куни, қутлуғ ойда устма-уст Бухоро, Сардоба офатлари юрт бошига келди. Ҳукуматимиз бутун диққат-эътиборни қаратди, зарур имконият ва кучларни сафарбар этди. Халқимиз бирлашди, машаққатда қолган юртдошларига мадад бўлди, улкан фидойилик, юксак мурувват кўрсатди. Алҳамдулиллаҳ, ҳаммаси изига тушяпти.

   Эндигина вабо, офат чекингандай кўриниб, минглаб беморлар шифо топиб, ижобий ўзгаришлар, юмшатишлар бўлиб турганда, тўйлар бошланиб қолганда, ўтган кечанинг кўрсаткичлари, рақамлар кишини бироз сергак торттирди, бироз ташвишга солди...

   Бугундан иншааллоҳ, диёримиздаги ҳолат мўътадил ҳудудларида байтуллоҳлар, минглаб масжидлар эшиклари очиладиган бўлиб турганда, яна кўплаб енгилликларга йўл очилиб турганда касалликни бундай кескин кўтарилиши, кўпайиши кўпчилигимизни ўйлантираётгани аниқ.

Сал хотиржамликка берилиб қолдикми ёки? Шундоққина атрофимизда юрган кўринмас “тожсимон”дан ғафлатда қолдикми ёки? Бўлди ўтиб кетди, дея сергаклик, ҳушёрликни йўқотдикми ёки? Дуоларни тўхтатдикми, салавотларни камайтирдикми, дангасалигимиз тутдими ёки? Нима бўлди?...

   Аллоҳим, ҳолларимизга раҳм айла, ишларимизни ўнгла, Ўзинг шифо ато эт, кушойиш бер, нажот бер!

Фақат Сенинг даргоҳингга бош урибгина нажот топамиз, омон бўламиз. Сендан ўзга нажот йўқ, Сендан ўзга паноҳ йўқ, Роббим!

  Ушбу ҳақиқатни барчамизга англатгин, ҳис эттиргин. Раҳимсан, Раҳмонсан, Ғофурсан, Самиъсан, Басийрсан. Гўзал исмларинг, олий сифатларинг билан сўраймиз, биздан бу балони кўтаргин!

   Бегуноҳ гўдакларимиз ҳаққи, кексаларимиз, ожиз-заифларимиз ҳаққи, беморларимиз, муҳтожларимиз ҳаққи зурриётларимизга раҳм айла, гуноҳларимизни кечиргин, истиғфорларимизни қабул этгин, дуоларимизни ижобат этгин! Сўровимиз шу, илтижоимиз шу... Амийн, я Роббал оламийн!

Бобур Аҳмад

Мавзуга оид мақолалар
Рамaзон кирмаган хонадон борми     Ҳар йили мусулмонлар томонидан интиқиб кутиладиган, Аллоҳ таолонинг ойлари ичида энг суюклиси бўлмиш Рамазоннинг ҳам ярми давоми...

04:49 / 15.06.2017 2454
Ким Аллоҳга яхшилик лутфлари ила юзланмаса, У Зотга имтиҳон занжирлари ила судралур. Аллоҳ таоло ҳаким Зотдир, қайси пайтда қандай тасарруф қилишни, ҳар давоми...

01:46 / 10.04.2019 2175
embedhttpswww.youtube.comwatchvAF0ftX9yccampfeatureyoutu.beembed Мана, рабиъул аввал ойи яна кириб келди. У ҳар сафар ўзи билан бирга хушбуй ва муаттар хотирани олиб келади. У ўзи билан давоми...

07:04 / 29.03.2019 2924
Маданиятлар ва тиллар турфа хиллиги сақланишига кўмаклашиш ҳамда ҳамкорлик қилиш мақсадида 21 февраль Юнеско Бош конференцияси томонидан Халқаро она тили куни давоми...

22:21 / 21.02.2019 2142