“Менинг шарфим зулм қуроли эмас”
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Шу кунларда мен ҳижоб ўраганман. Сиз уни шарф деб аташингиз мумкин. Менинг шарфим қўлларимни орқамга боғламайди ва у зулм қуроли эмас. У фикрларимнинг бошимга кириб, оғзимни тарк этишига тўсқинлик қилмайди. Лекин мен буни авваллари билмас эдим...

“Менинг шарфим зулм қуроли эмас”

Мен дастлаб католик эдим, кейин агностикка айландим. Энди эса мусулмонман!

Ислом томон сафарим тахминан ўн беш ёшлигимда бошланган. Менда эътиқодим юзасидан турли хил саволлар пайдо бўлар эди. Ўқитувчиларим ва руҳонийларнинг "Ёшгина чиройли бошингизни ҳалитдан ташвишга қўйманг" қабилидаги жавоблари мени қониқтирмади. Шундан сўнг мен коинот, олам ва одам ҳақидаги мавжуд тушунчаларимни сўроқ остига қўя бошладим.

Тарих ва бир қанча назариялар билан танишиш жараёнида "Ислом" деган ғалати нарсага дуч келдим. Мен Ислом дини бағрикенглик, адолат ва шарафни ўргатадиган ҳамда сабр-тоқат, камтарлик ва мувозанатни тарғиб қилувчи дунё дини эканлигини билиб олдим.

Мен Ислом ўз тарафдорларига инсониятни битта Худога сиғинишга ва ўзимизни юқори мақсадларда тутишга ўргатган Мусодан тортиб Муҳаммад алайҳиссаломга қадар барча пайғамбарларни ҳурмат қилишни ўргатаётганидан мамнун бўлдим. Муҳаммад алайҳиссаломнинг "Илм олиш ҳамма учун, эркак ёки аёл бўлишидан қатъи назар мажбурийдир" деган мазмундаги ҳадислари қалбимга таъсир қилди.

Aлгебрани ихтиро қилган Aл-Хоразмий каби мусулмон мутафаккирлари фан ва рационалликни қабул қилганларидан ҳайратда қолдим, Да Винчидан олдин парвозлар механикасини ишлаб чиққан Ибн Фирнас, замонавий жарроҳликнинг отаси бўлган Аз-Заҳравилар билан танишдим...

Исломни ўрганиш менинг маданий нотўғри қарашларимни дарҳол йўқ қилмади. Шарқ аёлларига уларнинг эрлари томонидан уят ёки эгалик ҳисси туфайли фақат қўпол муомала қилинади, деган тасаввурда эдим.

Aммо мен бир мусулмон аёлдан: "Сиз нега бундай кийинасиз?" деб сўраганимда, унинг жавоби аниқ ва жозибали бўлди: "Худони мамнун қилиш учун!" У бундай камтарона кийиниш аёлнинг танаси оммавий истеъмол қилиш ёки танқид қилиш учун мўлжалланмаганлигини, аксинча дунё учун рамз эканлигини англатишини тушунтирди. Мен ҳали ҳам ишонч ҳосил қилмадим ва: "Ҳа, лекин аёллар сизнинг динингизда иккинчи даражали фуқароларга айланадими?" дедим. Сабрли мусулмон аёлининг тушунтиришича, Ғарб дунёси аёлларга мол-мулк сифатида муомала қилган бир пайтда Ислом дини уларни ўз ҳимоясига олган. Ислом аёлнинг турмушга чиқиш учун розилигини мажбурий қилди ва унга мерос олиш, мулкка эга бўлиш, бизнес юритиш ҳамда давлат бошқарувида қатнашиш имкониятини берди.

Aжабланарлиси шундаки, Ислом менинг феминистик идеалларимга мос келадиган дин бўлиб чиқди!

Шу кунларда мен ҳижоб ўраганман. Сиз уни шарф деб аташингиз мумкин. Менинг шарфим қўлларимни орқамга боғламайди ва у зулм қуроли эмас. У фикрларимнинг бошимга кириб, оғзимни тарк этишига тўсқинлик қилмайди. Лекин мен буни авваллари билмас эдим...

Исломга қилган саёҳатим давомида мен мусулмонлар ҳар хил шакл, ўлчам, муносабатдаги этник бирлик, маданият ва миллат вакиллари бўлишини билиб олдим.

Ўзларини мусулмон деб атайдиганлар ва сиёсий мақсадларда Исломни бузиб кўрсатадиган одамлар борлигини билиш мени ғазаблантирди.

Энг муҳими, мен америкалик ватандошларим Исломга нисбатан қўрқув ва нафратларидан қутулиб, бир кун келиб унинг асл қиёфасини кўра олишларига умид қиламан!

Тереза КОРБИН,

америкалик ёзувчи, феминист

Инглизчадан Сирожиддин Адашев таржимаси

 

 

    

Мавзуга оид мақолалар
Маҳсулотлар картошка, лавлаги, қизил сабзи, тузланган карам, тузланган бодринг, консерваланган яшил нўхат, ўсимлик ёғи, туз. Тайёрланиши давоми...

00:51 / 01.02.2017 4408
Британия округ судяси турмушҳаётидаги зўравонликлар, муаммолар ва уларга нисбатан исломий муносабатларни ўрганиш борасида кўп йиллар давомида иш олиб боргандан давоми...

08:11 / 21.12.2016 1236
embedhttpswww.youtube.comwatchvcSXpnWGqKUfeatureyoutu.beembed

04:33 / 15.05.2017 1586
  Одам боласининг қанча умр кўриши унинг ўзига эмас, Яратганнинг хоҳиширодаси, банданинг қадардаги ёзилган тақдирига  боғлиқ. Аллоҳ қанча умр берган бўлса, давоми...

01:01 / 25.11.2016 2303