Ассалому алайкум! Ёшим 21 да, талабаман. Ҳаётимдан мамнунман, қизиқишларим жуда кўп. Ҳозир магистратурани давом эттириш учун инглиз тилини ўрганаябман. Ҳар кун бомдоддан кейин куним баракали ўтишини Аллоҳдан сўраб дуо қилиб, дарс қилишга иштиёқ билан киришаман. Лекин мени қийнаётган нарса фикримни бир жойга жамлаб кўп дарс қила олмайман. Дарров бошқа нарсаларга чалғиб кетаман. Дарс қилишим учун ҳамма шароит бор. Фикримни бир жойга жамлаб кунимни баракали ўтиши учун нима қилишим керак? Ёки бирон бир касалим борлиги сабабли фикримни жамлолмасман деб ҳам хавотир оламан баъзан. Менга маслаҳат беринг!
– Ва алайкум ассалом! Мия иш фаолияти яхшиланиши учун мияда ферментлар етарлик бўлиши керак. Ферментлар эса организмда минераллар етарли даражада бўлганида ишлаб чиқарилади. Шунинг учун тўғри ва баланслик таомланишингизни, сифатли ва етарли уйқу бўлишини ва дарс қилиш учун сутканинг ўзига хос бўлган соатларида вақт ажратишни йўлга қўйиб кун тартибини ёзиб олишингиз керак. Мисол учун эрталаб соат 9-11, кундузи 15-17 ва кечқурун 19-21 ларда мия иш фаолиятининг илм ўзлаштириши учун олтин даврларидир. Тонгда енгил жисмоний машқларни бажариш ёки пиёда кўпроқ юриш ҳам сизга хуш кайфият бағишлаб, дарсларингизни ўзлаштиришингиз учун самарали амаллардандир. Валлоҳу аълам!
