Ассалому алайкум! Ҳурматли устозлар. Мен мактабда ўқитувчи бўлиб ишлайман. Турмушга чиққанимга 10 йилдан ошди ва шунча вақт мобайнида жамики ўз эҳтиёжларимни ва ҳаттоки фарзандларимни эҳтиёжини ҳам ойлигим ҳисобидан қоплаганман. Баъзида касал бўлиб қолсам ҳам доим ўз пулимга даволанганман бирор кийим керак бўлса ҳам ўз пулимга олганман. Ҳаттоки эрим баъзи қарзларини тўлашга ҳам, машинаси бузилса тузатишга ҳам менинг ойлигимдан мени розилигимсиз бемалол ишлатган. Бундай ҳолатларда мен жуда оғринаман. Ўзимку керакли нарсам учун пул сўрамайман у кишидан аммо у киши "ойлигинг меники, ахир сен меники бўлсанг, ҳамма нарсанг меники", деб бемалол ишлатади. Ҳозирда ҳам турмушимизга керакли нарсалар бўлса мебел ёки плесос олсак ҳам мен тўлашим керак. Саволим шуки, эримни розилиги учун бундай ҳолатларга чидаб келаман. Аллоҳим розилиги учун, аммо шунда эрим қанчалик гуноҳкор ёки йўқ. Ёки мен норози бўлсам қанчалик гуноҳкорман? Бу борада кимга гуноҳу кимга савоб ёзилади?
– Ва алайкум ассалом! Оиладаги бутун таъминот эр зиммасида. Қилмаса, гуноҳкор бўлади. Авваллари қозилар эр таъминот қилмаса ҳукм чиқариб номидан аёлига қарз олиб берилган бошқалардан ва эр ўшани тўлаши керак бўлган. Сизнинг мулкингизга тегишга унинг умуман ҳаққи йўқ. Сиз унинг аёлисиз холос, мулки ё чўриси эмассиз. Таъминот қилмаса ёки нарсаларингизни олса норози бўсангиз гуноҳкор бўлмайсиз. Бундай вақтларда ҳаққингизни талаб қилишингиз керак. Валлоҳу аълам!
